Shumë mësues në qarkun e Korçës nuk kanë marrë ende rrogën e muajit qershor.

Denoncimi është bërë nga kryetari i sindikatës së pavarur të mësuesve, Leonard Trebicka.

“Është diçka që jo vetëm mësuesit e Korçës dhe të Maliqit por kam marrë njoftim se edhe në disa rrethe të tjera ndodh por jo për pjesën më të madhe të mësuesve, është një pjesë e vogel si psh në qyteti  e Korçës janë mbi 100 mësues që nuk kanë marrë ende rrogën e muajit qershor. Një pjesë e konsiderueshme do të thoja duke marrë parasysh edhe numrin e  mësuesve në ZVA Maliq.“- denoncon Trebicka.

Shkak për këtë situatë, sipas tij, është bërë mungesa e parave në thesarin e buxhetit të ministrisë së Finacave.

“Nga ajo që kam diskutuar me drejtuesit shkak është thesari qe nuk ka para të gjenerojë nga Ministria e Financave te buxheti i arsimit. Nëndtejtorët e ZVA- ve janë duke pritur para kompjuterit për ti dhënë “ok”. Ne si sindikatë nuk mund ta imagjinojmë dot që një mësues që mban familjen me atë rrogë , mandje ka shumë mësues që më kanë kërkuar të ngre zërin se kemi fëmijët pa bukë. Në ZVA-në  Maliq nuk ka ndodhur një gjë e tillë. Është hera e parë në qarkun e Korçës që vonohen rrogat.”

Nga kontaktet që ka pasur me drejtuesit e zyrave arsimore në Korçë, Trebicka thotë se rroga do t’u hidhet mësuesve brenda këtyre dy ditëve./TCH/